Навоий вилояти Навоий шаҳрида 20 февраль куни маст ҳолда келиб чиққан жанжалда эркак танишини ўлдирди. Бу ҳақда Тергов департаменти хабар қилди.
Қайд этилишича, шу куни соат 23:00 атрофида шаҳарнинг «Ягондая» кўчасида яшовчи С.Д. (57 ёшли) ўз уйида таниши С.М. (42 ёшли) билан бирга спиртли ичимлик истеъмол қилиши натижасида ўрталарида жанжал келиб чиққан. Улар бир-бирининг турли қисмларига қўл ва оёқлари билан уриб, тан жароҳати етказган. Оқибатда С.М. ҳодиса жойида вафот этган.
Ҳолат юзасидан С.Д.га нисбатан Жиноят кодексининг 104-моддаси 3-қисми «д» банди (қасддан баданга оғир шикаст етказиш мақсадида одам ўлдириш) билан жиноят иши қўзғатилган.
Жиноят иши бўйича С.Д. гумон қилинувчи тариқасида ишда иштирок этишга жалб қилиниб, процессуал тартибда ушланган. Ҳозирда тергов ҳаракатлари олиб борилмоқда.
Маълумот учун, бу турдаги жиноятлар учун Жиноят кодексининг нормаларига кўра, 8 йилдан 10 йилгача озодликдан маҳрум қилиш жазоси белгиланган.
Изоҳ (0)