Судьялар олий кенгаши 4 нафар судьяни лавозимидан озод этди. Бу ҳақда кенгаш ахборот хизмати хабар қилди.
Қайд этилишича:
- Тошкент вилояти жиноят ишлари бўйича Зангиота туман судининг раиси Ўктам Холиқов;
- Тошкент вилоят судининг фуқаролик ишлари бўйича судьяси Хилола Бегалиева;
- Андижон вилояти жиноят ишлари бўйича Қўрғонтепа туман судининг раиси Исоқбой Эргашев;
- Бухоро вилояти Бухоро туманлараро маъмурий судининг судьяси Маъруф Саидов ўз аризаларига кўра, лавозимларидан озод этилиб, ваколатлари муддатидан илгари тугатилган.
Эслатиб ўтамиз, Ўзбекистонда яна уч нафар судья лавозимидан озод этилгани, улардан бири судьялик қасамёдини бузгани хабар қилинганди.
Изоҳ (0)