Миллий гвардия қўмондонлиги ташаббуси билан Ўзбекистон Тентпеггинг федерацияси фаолияти йўлга қўйилди. Бу ҳақда Миллий гвардия матбуот хизмати хабар берди.
Ўзбекистон Тентпеггинг федерацияси раиси Миллий гвардия от спорти бўйича республика олий спорт маҳорати мактаби директори Н.Ибрагимов ва федерация раиси ўринбосари лавозимига Ёшлар ўртасида ҳарбий-ватанпарварлик ва спорт ишларини ташкиллаштириш бошқармаси бошлиғи Қ.Азизов тайинланган.
«Ушбу спорт тури Осиё ва Европа давлатларида жуда оммабоп бўлиб, айниқса, ҳарбий хизматчиларнинг жисмоний ва жанговар тайёргарлигини мустаҳкамлашда муҳим аҳамият касб этади», — дейилади хабарда.
«Теntpegging» атамаси иккита («tent» ва «peg») инглизча сўзлардан иборат бўлиб, «чодир» ва «қозиқ» (белги) маъноларини англатади. Тентпеггинг — қадим замонлардан бери мавжуд бўлган от спорт тури бўлиб, нуфузли мусобақалар ҳам ўтказилиб келинган. Ушбу спорт тури билан боғлиқ мусобақаларда махсус пике — қилич билан қуролланган чавандоз ерга қазилган қозиқни — ёғоч ёки (60 градусли бурчак остида, баландлиги 30 сантиметр ва кенглиги 4-6 сантиметр) бўлган картон қоғозни тўлиқ тешиши керак, бунинг учун спортчиларга баллар берилади. Вазифа бир нечта (рақобат турига қараб 2, 3 ёки 6) уринишлар натижасида қозиқни максимал кўтаришдир. Мамлакатга ва рақобатнинг ўзига хос турига қараб, чодирни боғлаш жуда кўп қўшимча қоидаларга эга бўлиши мумкин.
Аввалроқ Туризм ва спорт яна алоҳида вазирликларга ажратилгани тўғрисида хабар берилганди.
Изоҳ (0)