Тошкент вилоятидаги «Чорвоқ оромгоҳи» («Пирамида») дам олиш маскани 2021 йилни даромад билан тугаллади. Бу ҳақда компаниянинг молиявий ҳисоботидан маълум бўлди.
Дам олиш маскани 2021 йили 35,4 млн сўмлик даромад кўрди. «Пирамида» аввалги икки йилни зарар ёки кичик фойда билан тамомлаган эди.
Дам олиш маскани энди хусусийлаштирилади
Ҳукумат 2021 йилдан бери «Пирамида»ни сотишга уринмоқда. Оромгоҳни аввалига саккиз қисмга бўлишган бўлса, кейинчалик бутунлигича сотувга чиқаришди.
Унинг янги эгаси меҳмонхонани сақлаб қолиши, дарахтлар ва буталарнинг кесилиши бўйича мораторийга амал қилиши ва IMPRO GmbH LTD олдидаги 573 568 евро миқдоридаги қарзни ёпиши керак бўлади.
«Пирамида» билан танишиб чиқиш учун ичкари ва ташқари томондан олинган панорамали суратларни кўриш мумкин.
Аввалроқ «Бунёдкор» футбол клуби 2021 йилни 37 млрд сўмлик зарар билан тугатгани ҳақида хабар берилган эди.
Изоҳ (0)