Гондурас суди собиқ президент Эрнандесни ҳибсга олишга ордер берди

Гондурас суди мамлакатнинг собиқ президенти Хуан Orlando Эрнандесни гиёҳванд моддалар ва қурол-яроғ савдосида гумон қилиб, ҳибсга олиш бўйича қарор чиқарди, деб хабар беради Reuters.

Агентлик маълумотларига кўра, Эрнандес яқин кунлар ичида Олий суд қаршида жавоб бериши керак.

Эрнандес Гондурасни 2014 йилдан бери бошқариб келаётган эди, 2022 йилнинг январида эса истеъфога чиққан. 15 февраль тонгида полициячилар пойтахт Тегусигалпадаги уйига келган. Собиқ президент Facebook’даги саҳифасига ҳимояланишга тайёрлигини ёзиб қолдирган.

The New York Times’нинг қайд этишича, АҚШ ҳукумати уни гиёҳванд моддалар сақлашда айблаб, Қўшма Штатларга экстрадиция қилишни сўраган. Америка расмийларининг маълумотлари бўйича, Эрнандес «ноқонуний гиёҳванд моддалар савдоси билан шуғулланиш учун тил бириктириш»да иштирок этган. Натижада 2004 йилдан буён Гондурас орқали мамлакатга Венесуэла ва Колумбиядан 500 тонна кокаин олиб келинган. Собиқ президент етказиб бериш ва наркокурьерларнинг ҳимояси учун миллионлаб доллар пора олган.

Эрнандеснинг укаси Хуан Антонио ноқонуний кокаин савдоси билан шуғуллангани учун АҚШда умрбод қамоқ жазосини ўтамоқда. Жиноий тўданинг собиқ раҳбари Дэвис Лионель Марадиганинг сўзларига кўра, Los Cachiros картели собиқ президент Хуан Orlando Эрнандеснинг опаси Ҳилда Эрнандесга 2012 йилда 250 минг доллар нақд пул берган. Ўша пайтда Эрнандес конгрессмен ва президентликка номзод эди. Яна 50 минг долларни 2014 йили, Хуан Orlando Эрнандес президент бўлганидан кейин унинг акаси Хуан Антонио Эрнандес олган.