Украина президенти Владимир Зеленский 16 февраль тонгида Бирлик куни муносабати билан мамлакат фуқароларига мурожаат йўллади. Унинг мурожаати Украина телеканаллари томонидан трансляция қилинди. Зеленский ушбу байрамни нишонлаш ҳақида 14 февраль куни фармон чиқарганди, чунки АҚШ ҳукумати норасмий равишда 16 феврални Россиянинг Украинага ҳужуми бошланадиган кун деб атаган.
Буюк Украинанинг буюк халқи, хайрли тонг! Бугун муҳим кун — барчамиз бирлашадиган кун. Ҳаммамиз ҳар хилмиз, ёшимиз, жинсимиз ҳар хил, турли шаҳарларданмиз, турли касб эгаларимиз, истеъдодимиз, билимларимиз, тилимиз, динимиз турфа хил. Лекин бизни ягона истак — яшаш истаги, тинч-тотув яшаш, оила бағрида, фарзандлар, ота-оналар билан бахтли яшаш истаги бирлаштиради. Ва буларнинг барчасига ҳаққимиз бор. Чунки биз ўз уйимиздамиз, Украинадамиз. Ҳеч ким уйимизни биз севгандек севмайди. Фақат ўзимиз биргаликда уйимизни ҳимоя қила оламиз, бошқа ҳеч ким. Бирлик куни билан, кўк-сариқ, Бирлик куни муборак, Украина! Шарқ, Ғарб, Жануб, Шимол фақат бирга янграйди, бирга лекин кучли янграйди.
Зеленский ўз нутқи билан 16 февраль куни Украинанинг ўнлаб телеканалларида ўтказиладиган #UArazom бирлик марафонини очиб берди. Марафон давомида телеканаллар «украиналикларни қизиқтираётган ва ташвишлантираётган муҳим ижтимоий ва сиёсий масалаларни» муҳокама қилади, дейилади «УНИАН» хабарида.
Мавзуга доир:
- Зеленский айни вақтда оиласи билан бирга Украинадан чиқиб кетиш эҳтимоли йўқлигини билдирди
- «Россия Украинага айнан қайси санада ҳужум бошлашини олдиндан айтолмаймиз», — Байденнинг ёрдамчиси
- «Жаноб Зеленский! Масхарабозлик вақти поёнига етди». Рамзан Қодиров Россиянинг оддий фуқароси сифатида Украина президенти ва халқига мурожаат йўллади
Изоҳ (0)