8 февралдан бошлаб Россиянинг «Телекоминвест» компанияси ва Finance ТCI корхонаси «Капиталбанк»нинг 61,5 фоизига эгалик қилишни бошлади.
«Тошкент» фонд биржасининг маълумотларига кўра, ушбу компанияларга энди банкнинг 263,8 млн акциялари тегишлидир.
Finance ТCI Алишер Усмоновнинг USM холдинг шўъба корхонаси бўлмиш «Телекоминвест» билан аффилланган (боғланган). 2021 йилнинг ноябрь ойи охирларида «Телекоминвест» банкнинг 215 млрд сўмлик қўшимча акцияларини сотиб олиб акциядорлардан бирига айланган эди. Банкнинг асосий эгаси аввал Ойбек Турсунов бўлган, аммо у январь ойининг ўрталарида аффилланган шахслар қаторидан чиқиб кетди.
Изоҳ (0)