Футбол бўйича Испания Ла Лигасининг 23-турида «Барселона» 6 февраль, якшанба куни «Атлетико»ни қабул қилди.
Учрашувнинг 8-дақиқасида мадридликлар ҳисобни очди: Луис Суареснинг узатмасидан кейин Янник-Феррейра Карраско тўпни дарвозага жойлаб қўйди. Орадан икки дақиқа ўтар-ўтмас Хорди Альба чиройли гол билан мувозанатни тиклади. 21-дақиқада Адама Траоренинг қанотдан узатган тўпини Гави боши билан дарвозага аниқ йўналтирди.
Биринчи бўлим якунланиши арафасида Роналд Араухо каталонларнинг учинчи голини урган бўлса, иккинчи бўлим дебютида Дани Алвес ҳисобни йирик кўринишга олиб келди. 58-дақиқада Суарес собиқ жамоаси дарвозасини ишғол қилди. 69-дақиқага келиб, майдон эгалари бир ўйинчи кам бўлиб қолди: Дани Алвес қўпол ҳаракати сабаб, видеотакрорлардан кейин майдондан четлатилди.
Ушбу ғалабадан кейин Хави шогирдлари очколари сонини 38 тага етказиб олган ҳолда тўртинчи ўринга кўтарилди. «Атлетико» (36) эса бешинчи поғонага тушиб кетди.
Ла Лига
23-тур баҳслари
6 февраль, якшанба
«Барселона» — «Атлетико» 4:2
Голлар: 0:1 – 8 Карраско, 1:1 – 10 Альба, 2:1 – 21 Гави, 3:1 – 43 Араухо, 4:1 – 49 Дани Алвес, 4:2 – 58 Суарес.«Барселона»: тер Штеген, Дани Алвес, Пике, Араухо, Альба, Бускетс, де Йонг, Педри (Нико Гонсалес, 66), Гави (Дест, 71), Траоре (Обамеянг, 61), Ферран Торрес.
«Атлетико»: Облак, Врсалко (Васс, 46), Савич, Хименес, Эрмосо (Матеус Куня, 55), Коке (Эррера, 76), де Пауль, Лемар (Рейнилду, 55), Карраско, Суарес, Жоау Феликс (Корреа, 56).
Огоҳлантиришлар: Альба (52), де Йонг (72), Васс (89), Эррера (90).
Четлатиш: Дани Алвес (69).
Изоҳ (0)