Таъмирлаш ишлари туфайли 2 февраль куни Тошкент шаҳрининг Учтепа, Янгиҳаёт, Сергели туманларининг айрим жойларида табиий газ таъминоти вақтинча тўхтатилади. Бу ҳақда «Ҳудудгаз пойтахт» хабар қилди.
Қайд этилишича, Учтепа тумани Алгоритм мавзесида жойлашган ерусти қувурини ҳаракатдаги газ қувурига улаш ишлари режалаштирилган. Шу сабабли 2 февраль куни соат 11:00 дан 16:00 гача ушбу манзилдаги 50 та аҳоли хонадонида ҳамда 1 та улгуржи истеъмолчида табиий газ таъминоти вақтинча тўхтатилади.
Шунингдек, Янгиҳаёт тумани Узар кўчасида жойлашган ер ости ўрта босимли қувурини ҳаракатдаги газ қувурига улаш ишлари режалаштирилган. Шу туфайли 2 февраль куни соат 11:00 дан 17:00 гача Узар кўчасидаги 45 та кўп қаватли уйдаги 2520 та хонадонда ҳамда 4 та улгуржи истеъмолчида табиий газ таъминоти вақтинча тўхтатилади.
Сергели тумани «Дарё бўйи» маҳалласидан ўтган ўрта ва паст босимли газ қувурларида аниқланган газ сизиб чиқиш ҳолатини бартараф этиш ишлари «Сергелитумангаз» газ таъминоти бўлими томонидан режалаштирилган. 2 февраль куни соат 11:00 дан 17:00 гача ушбу маҳалладаги 1199 та хонадонда ҳамда 115 та улгуржи истеъмолчида табиий газ таъминоти вақтинча тўхтатилади.
«Таъмирлаш ишлари тугатилгандан сўнг табиий газ қайта тикланади. Етказилаётган ноқулайликлар учун табиий газ истеъмолчиларидан узр сўраймиз», — дейилади хабарда.
Эслатиб ўтамиз, 25 январь куни соат 11:00 ларда Ўзбекистоннинг қатор вилоятларида электр энергияси таъминоти узилди. Бунинг ортидан табиий газ етказиб берилишида ҳам узилишлар кузатилди. 27 январга келиб Тошкентнинг 6 та туманида, 28 январда бутун мамлакатда газ таъминоти тўлиқ тикланди.
«Ҳудудгаз пойтахт» маълумотларига кўра, 28 январь куни соат 11:00 дан 16:00 га қадар таъмирлаш ишлари олиб борилиши туфайли Юнусобод ва Олмазор туманларининг иккита маҳалласида табиий газ таъминоти вақтинча тўхтатилган.
2022 йил 31 январь куни соат 09:00 дан 18:00 гача Тошкент вилояти Зангиота туманида, Тошкент шаҳри Сергели туманида ҳамда Бектемир ва Миробод туманлари кесишмасидаги Баратхўжа, Қўйлиқ овул, Бадахшон кўчаларидаги аҳоли хонадонларида ҳамда улгуржи истеъмолчиларида табиий газ таъминоти вақтинча тўхтатилганди.
Изоҳ (0)