Тошкент шаҳри аҳолисининг асосий қисмини ичимлик суви билан таъминловчи «Қодирия» бош сув иншоотида юқори кучланишли электр таъминотида носозлик сабабли насос агрегатларида ўчиш ҳолати юзага келган. Шу туфайли Тошкент шаҳрининг қатор ҳудудларида ичимлик сув таъминоти билан боғлиқ узилишлар кузатилмоқда.
Уй-жой коммунал хизмат кўрсатиш вазирлигининг маълум қилишича, ҳозирги вақтда электр таъминоти қайта тикланди, ичимлик сув гидравлик режимини тиклаш бўйича тезкор чоралар кўрилмоқда. Яқин соатлар ичида Тошкент шаҳрида сув таъминоти олдинги маромига қайтиши маълум қилинди.
Таъкидланишича, вазир Шерзод Ҳидоятов «Қодирия» сув иншоотида бўлиб, мавжуд ҳолатни ўз назоратига олган.
Шунингдек, Сирдарё вилояти, хусусан, Гулистон шаҳри, Сайхунобод тумани ва бошқа бир қатор ҳудудларга ичимлик суви берила бошланди.
Уй-жой коммунал хизмат кўрсатиш вазирлиги тизимига кирувчи 500 та қозонхонадан 80 таси ўз иш фаолиятини қайта тиклади.
Вазирликнинг кейинроқ хабар беришича, «Қодирия» бош сув иншооти ўз фаолиятини қайта бошлади. 5-6 соат оралиғида қувурлар тўлиб бўлгач, одатий иш режимига тушади.
Бўзсув иншоотидан Юнусобод, Мирзо Улуғбек, Учтепа, Шайхонтоҳур, Олмазор туманларига ва Чилонзор туманининг бир қисмига 3 соат ичида сув бериш тўлиқ тикланади. Айни дақиқаларда тармоқда сув мавжуд.
Тошкент 6 соат ичида тўлиқ сув билан таъминланади.
Мавзуга доир:
- «Вазият шахсан президент назорати остида». Шерзод Асадов фуқароларни саросимага тушмасликка чақирди
- Электр тизимидаги узилишлар оқибатида етказилган зарар ҳисоб-китоб қилинади — Молия вазирлиги
- Газли, Шўртан ҳамда Муборак нефть ва газ қазиб чиқариш бошқармаларидаги 64 та кон фаолиятини вақтинча тўхтатди
Изоҳ (0)