Ўзбекистонда 2021/2022-ўқув йилида меҳрибонлик уйларидаги 267 нафар бола олий таълим муассасаларига имтиёзли равишда ўқишга қабул қилинди. Бу ҳақда Миллий гвардия хабар қилди.
Қайд этилишича, 20 январь ҳолатига кўра, 675 нафар меҳрибонлик болалар муассасаларининг битирувчиларига ҳамда васийлик, ҳомийлик, оила тарбияси (патронат)га олинган вояга етган болаларга турар жойлар берилган.
Аввалроқ Бола ҳуқуқлари бўйича вакил меҳрибонлик уйлари битирувчиларига берилаётган турар жойларнинг ҳаммаси ҳам талаб даражасида эмаслигини айтгани, Ўзбекистонда 2021 йилда чин етим болаларни уй-жой билан таъминлаш учун 30 млрд сўм ажратилгани, етим болаларни уй-жой билан таъминлаш тартиби белгилангани хабар қилинганди.
Изоҳ (0)