Банан ва творог қўшиб тайёрланадиган мазали торт рецепти

Ажойиб таъмга эга ширинлик оиланинг барча аъзоларига манзур келади.

Керакли маҳсулотлар:

• ун – 80 грамм;
• какао кукуни – 4 ош қошиқ;
• қабартма – 1 чой қошиқ;
• тухум – 5 дона;
• шакар – 170 грамм;
• банан – 1-2 дона;
• творог – 300 грамм;
• шакар упаси – 100 грамм;
• қаймоқ – 200 мл;
• қора шоколад – 120 грамм;
• сариёғ – 1 ош қошиқ;
• сут – 2 ош қошиқ;
• туз.

1. Ун ва қабартма элакдан ўтказилади. Тухум оқлари сариғидан ажратилади ва бир чимдим туз солиниб, миксер қилинади.
2. Миксер қилиш жараёнида тухум оқига аста-секин шакар қўшиб борилади.
3. Массага секин тухум сариғи қўшилади ва яна миксер қилинади.
4. Ун ва қабартма аралашмага қўшилади, хамир аста-секин аралаштирилади.
5. Тайёр бўлган хамир қолипга қуйилади, 40-45 дақиқа давомида 170 даража печда пиширишга қўйилади.
6. Бисквит пишгач, 5-6 соатга музлаткичга қўйилади.
7. Банан ва творог блендерда майдаланади, устидан шакар упаси қўшилади.
8. Қаймоқ миксер қилинади ва эҳтиёткорлик билан творог аралашмасига қўшилади.
9. Бисквит айланасига 2-3 қисмга бўлинади. Уларнинг орасига қаймоқли крем суртилиб, бир-бирининг устига қўйилади.
10. Бисквитнинг ён қисмларига ҳам крем суртилади ва 4-5 соатга музлаткичга қўйилади.
11. Шунингдек, бисквитни шакарли сув билан намлаш мумкин.
12. Шоколаднинг ярми майдаланиб, сариёғ ва сут билан эритиб олинади.
13. Аралашма торт устидан қуйилади ва яна 15-20 дақиқага музлаткичга қўйилади.
14. Қора шоколаднинг қолган қисми қирғичдан ўтказилади ва тортнинг юзасига сепилади.