Футбол бўйича Африка Миллатлар Кубоги гуруҳ босқичи доирасида 11 январь, сешанба куни 1-тур баҳсларидан ўрин олган 2 та ўйин якунига етди.
E гуруҳидан ўрин олган баҳсда Жазоир терма жамоаси Сьерра-Леоне термасига қарши майдонга тушди. Учрашувда ҳисоб очилмади ва жамоалар бир очкодан жамғаришга муваффақ бўлди.
16 январь куни Жазоир Экваториал Гвинея билан ўйнайди, Сьерра-Леоне эса Кот-д’Ивуарга баҳс юритади.
D гуруҳида эса Нигерия терма жамоаси Миср билан баҳсга киришди. Мезбонлар Келечи Иҳеаначонинг ягона голи эвазига Муҳаммад Салоҳ бошчилигидаги Мисрни мағлуб этди ва 3 очкони қўлга киритди.
Кейинги турда Нигерия терма жамоаси 15 январда Судан билан баҳс юрица, Миср Гвинея-Бисауга қарши саф тортади.
Африка Миллатлар Кубоги
1-тур баҳслари
11 январь, сешанба
E гуруҳи
Жазоир—Сьерра-Леоне 0:0
Жазоир: Мболи, Атал, Манди, Бедран (Бенламри, 46), Бенсебайни, Фегули (Булая, 64), Белкебла (Бенраҳма, 83), Маҳрез, Браҳими (Бендебка, 65), Слимани (Бунежа, 65), Белаили.Сьерра-Леоне: Нбалиэ Камара, Какей, Колкер, Бангура, Райт, Камара, Куи, Камара, Камара (Фофана, 76), Буйя Турай (Кайкай, 84), Бунду.
Огоҳлантиришлар: Бедран (35), Бангура (77).
D гуруҳи
Нигерия—Миср 1:0
Гол: 1:0 — 30 Келечи Иҳеаначо.Нигерия: Окое, Айна, Омеруо (Ажайи, 79), Трост-Эконг, Сануси, Ндиди, Арибо, Чуквуэзе (Эжуке, 72), Саймон (Ивоби, 90), Иҳеаначо (Нвакали, 80), Авонийи (Умар, 72).
Миср: аш-Шенави, Ҳегази, Ҳамди (Шериф, 90), ал-Фоту (Ашраф, 46), ан-Ненни, Трезеге (Аҳмад Саид, 58), Фатҳи, Тавфиқ (Абдул Монем, 12), Салоҳ, Мустафо Муҳаммад (Собҳи, 58), Мармуш.
Изоҳ (0)