ERIELL гуруҳи томонидан психофизик ривожланиши бузилган болаларга, ихтисослашган болалар уйи тарбияланувчилари учун Янги йил байрами ташкил этилди.
27 декабрь куни ERIELL нефть ва сервис компаниялар гуруҳи ходимлари Тошкент вилояти, Қибрай туманида жойлашган Психофизик ривожланиши бузилган болалар учун ихтисослашган болалар уйининг жажжи тарбияланувчилари ҳолидан хабар олди.
Мазкур муассасада деярли туғилганидан бошлаб, 50 нафардан зиёд болалар яшаб келмоқда. Тарбияланувчиларнинг аксарияти турли ҳаётий вазиятлар сабаб ота-она қарамоғидан маҳрум бўлган. Бу ердаги ҳар бир бола, ёшидан қатъи назар алоҳида парвариш, меҳр ва эътиборга муҳтож. Энг асосийси, болажонларга доимий тиббий назорат зарур.
Яқинлашиб келаётган Янги йил байрами арафасида компаниялар гуруҳи болажонлар учун кутилмаган совға тайёрлади: улар учун Янги йил қаҳрамонлари ва, албатта, болажонлар меҳрини қозонган шерча Лео ҳақидаги эртак қаҳрамонлари иштирокида байрам томошаси ташкил этилди.
Болажонлар меҳмонларни қувонч ва ҳайрат билан қарши олди, танловларда иштирок этишди, рақсга тушиб, вақтичоғлик қилишди. Тарбияланувчиларнинг юзи самимий кулги ва қувончдан порлар эди. Соғлиғидаги барча муаммоларга қарамай, болажонлар барча йиғилганларга позитив кайфият ва ёқимли ҳис-туйғулар улашган ҳолда, мўъжизага ишонишда давом этмоқда.
Байрам қисми якунида ERIELL ходимлари ихтисослашган болалар уйининг барча тарбияланувчиларини байрам билан қутлаб, уларга компания номидан Янги йил совғаларини улашишди.
ERIELL group хоҳ у нархи қиммат бўлган даво муолажалари зарурати, хоҳ уларни ихтисослашган муассасаларда сақлаш шароитларини яхшилаш бўлсин, болажонларнинг эҳтиёжларига алоҳида эътибор билан ёндашиб келмоқда. Ўзбекистон Республикасининг «Волонтёрлик фаолияти тўғрисида»ги қонунининг 4-моддаси ва хайрия тўғрисидаги қонунга мувофиқ, жорий йилнинг ёз ойида компания томонидан болалар уйи капитал таъмирланган эди. ERIELL гуруҳи саъй-ҳаракатлари билан болажонлар учун мўлжалланган икки қаватли ётоқхона корпуси тўлиқ таъмирланди, ўйин хоналари ва хизмат бинолари, санузеллар янгиланди, мебель, кондиционерлар, ошхона жиҳозлари ва замонавий маиший техника ўрнатилди.
«Барча жамоамиз ва тарбияланувчилар номидан ERIELL’га ҳаётимизда фаол иштирок этаётгани, бизларга қувонч, ёқимли ҳис-туйғулар улашаётгани ва қулайлик яратиб бераётгани учун миннатдорлик изҳор қилмоқчиман. Зеро, болаларнинг бегонаси бўлмайди, деб айтилиши бежиз эмас. Бизлар учун ҳам муассасамизнинг ҳар бир тарбияланувчиси ўз фарзандимиздек азиз. Болажонларимиз ёлғиз эмасликларини тушуниши эса бунданда ёқимлироқ, уларнинг тақдири ва саломатлигига бефарқ бўлмаган, уларга ёрдам бериш ва кутилмаган ёқимли совғалар билан хушнуд этишга тайёр инсонлар бор», — деди Қибрай туманидаги ихтисослашган болалар уйи директори Гулнора Махмаджановна Тухтаназарова.
ERIELL гуруҳи бир неча йилдирки APLA жамоат бирлашмаси, Тошкент вилояти ихтисослашган болалар уйи, «Меҳрибонлик» ижтимоий кўмак бериш жамияти, Республика ихтисослашган гематология илмий-амалий тиббиёт маркази ва бошқа ижтимоий муассасаларга ҳомийлик қилиб келмоқда ва «Эзгулик улаш» лойиҳаси доирасида бундан кейин ҳам уларни қўллаб-қувватлашда фаол иштирок этиб, муҳтожларга ёрдам қўлини чўзишда давом этади.
Реклама ҳуқуқи асосида.
Изоҳ (0)