Голливуд юлдузи Леонардо Ди Каприо ажойиб актёрлик маҳоратига эга эканидан ташқари, экофаоллиги, ҳайвонларни севиши ва уларнинг ҳимояланиши тарафдори экани билан ҳам мухлисларнинг меҳрига сазовор бўлган. Актёр Netflix’нинг «Юқорига қараманг» (Don’t look up) номли фильмнинг суратга олиш жараёнида жонбозлик кўрсатиб итларнинг ҳаётини сақлаб қолди.
Happy Sad Conffused подкастининг навбатдаги эфирида шов-шувларга сабаб бўлаётган янги фильмда Женнифер Лоуренс, Мерил Стрип, Жон Хилл ва бошқалардан иборат суратга олиш жамоаси иштирок этган. Улар Леонинг икки нафар хаски зотли итни қутқариш учун ўйлаб ҳам ўтирмай, Бостондаги музли кўлга сакраган саҳнаси ҳақида айтиб берган.
Маълум бўлишича, суратга олиш жараёнида Леонардо ҳамкасби Жон Хилл билан кўл ёнидаги уйда қолган. Жоннинг айтишича, бир эмас, икки ит музлаган кўлга тушиб кетган.
«Аввалига Ди Каприо итлардан бирини қутқариш учун кўлга сакраган. Биринчисини олиб чиқиши биланоқ воқеа иккинчи ит билан ҳам такрорланган», — деган Хилл. Таъкидланишича, бунга гувоҳ бўлганлар унинг жасурлигини олқишлаган.
Аввалроқ Леонардо Ди Каприонинг сунъий гўшт етиштириш стартапига сармоя киритгани ҳақида хабар берилганди.
Изоҳ (0)