Хоразм вилоятининг Шовот тумани ҳокими Ҳакимжон Отахонов жарроҳлик амалиётини бошдан ўтказгани туфайли 1 ойдан буён даволанишда экани маълум бўлди.
Тумани ҳокимининг 13 ноябрда имзолаган қарорида келтирилишича, у тиббиёт шифокори хулосасига кўра соғлигини тиклаб даволаниши лозим бўлган. Шу сабабли у соғлиғини тиклагунига қадар туманга вақтинча раҳбарлик қилиш ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари Баҳром Отажанов зиммасига юклатилган.
15 декабрь куни Ҳакимжон Отахоновнинг тегишли қарори билан туман ҳокимлиги бошқарувчилик ҳужжатларига вақтинча имзо чекиш ҳуқуқи билан ҳоким вазифасини вақтинча бажариш туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Азамат Якубов зиммасига юклатилган.
Азамат Якубов ҳам Ҳакимжон Отаханов соғлиғини тиклаб иш фаолиятига қайтгунига қадар туманга раҳбарлик қилиши белгиланган.
«Дарё» ушбу ҳолат юзасидан туман ҳокими матбуот котиби Меҳрибон Искандаровадан изоҳ олди. Унинг сўзларига кўра, Шовот тумани ҳокими Ҳакимжон Отахонов суяк емирилиши бўйича жарроҳлик амалиётини бошдан ўтказган. Даволаниш муолажалари узоқ вақт талаб этгани сабабли ҳоким ҳозирча ишга қайтмаган.
Изоҳ (0)