Tesla ва SpaceX компанияларининг асосчиси Илон Маск Time журналининг Нью-Йоркда бўлиб ўтган тақдирлаш маросимига кенжа ўғли Х Æ А-12 билан биргаликда ташриф буюрди.
Time версиясига кўра «Йил одами» деб топилган Маск қарсаклар остида саҳнага чиққан. Қўлида эса ўғли Х Æ А-12 ни кўтариб турган. Илон нутқ сўзлаётган чоғда болакай отасининг тиззасида ўтирган. Time’нинг бош муҳаррири Эдвард Фелзентал Маскни одамларнинг Ердаги ва эҳтимол, ундан ташқаридаги ҳаётига ғайриоддий таъсир кўрсатган инсон деб атаган.
2020 йилда Time АҚШ президенти Жо Байден ва вице-президент Камала Харрисни ушбу мақомга лойиқ деб топган эди.
Аввалроқ Илон Маскнинг 1,5 ёшли ўғли отаси билан мажлисда қатнашгани, у видеоконференция иштирокчиларига мурожаат ҳам йўллагани ҳақида хабар берилганди.
Изоҳ (0)