Футбол бўйича Европа Чемпионлар Лигасининг 6-туридан ўрин олган бир қатор учрашувлар 7 декабрь, сешанба куни бўлиб ўтди.
А гуруҳида «ПСЖ» «Брюгге» билан баҳс олиб борди. Учрашувнинг 2 ва 7-дақиқаларида Килиан Мбаппе гол уриб, дублни расмийлаштирди. 38-дақиқада Лионель Месси ҳисобни йириклаштирди. 68-дақиқада Мац Риц фарқни қисқартирди. 76-дақиқада Месси пенальтидан унумли фойдаланиб, парижликларнинг йирик ҳисобдаги ғалабасини таъминлади.
Иккинчи ўйинда «Лейпциг» ўз уйида «Манчестер Сити»ни меҳмон қилди. Мезбонлар сафида Доминик Собослаи ва Андре Сильва гол урган бўлса, «шаҳарликлар» Риёд Маҳрезнинг голи билан жавоб берди. Учрашувнинг 82-дақиқасида «Манчестер Сити» ҳимоячиси Кайл Уолкер қизил карточка олиб, майдонни тарк этди.
«Шаҳарликлар» учрашувда мағлуб бўлган бўлса-да, 12 очко билан А гуруҳи етакчиси сифатида плей-оффга йўл олди. А гуруҳидаги якуний ҳолат қуйидаги кўринишни олди:
ЕЧЛ
6-тур баҳслари
7 декабрь, сешанба
«ПСЖ» Франция – «Брюгге» Бельгия 4:1
Голлар: 1:0 – 2 Мбаппе, 2:0 – 7 Мбаппе, 3:0 – 38 Месси, 3:1 – 68 Риц, 4:1 – 76 Месси (пенальти).«ПСЖ»: Доннарумма, Ҳакими, Маркиньос, Дялло, Мендеш (Керер, 50), Вейналдум, Гуйе (Паредес, 71), Верратти (Эбимбе, 84), Ди Мария (Эррера, 71), Месси, Мбаппе (Икарди, 83).
«Брюгге»: Миньоле, Мата, Ҳендри, Нсоки, Рикка, Риц (Вормер, 69), Ванакен, Баланта (Мбамба, 69), Сандра (ван дер Бремпт, 57), де Кетеларе, Ланг.
Огоҳлантиришлар: Керер (55), Ланг (61), Мбаппе (70).
«Лейпциг» Германия – «Манчестер Сити» Англия 2:1
Голлар: 1:0 – 24 Собослай, 2:0 – 71 Андре Сильва, 2:1 – 76 Марез.«Лейпциг»: Гулачи, Мукиэле (Ҳенрихс, 80), Клостерманн (Симакан, 46), Гвардиол, Анхелино, Кампл, Форсберг (Бробби, 79), Лаймер (Адамс, 63), Нкунку, Собослаи, Андре Сильва (Мориба, 86).
«Манчестер Сити»: Стеффен, Уокер, Стоунз, Аке (Рубен Диаш, 87), Зинченко, Фернандиньо, Гундўған, де Брюйне (Палмер, 87), Грилиш, Фоден (Стерлинг, 46), Маҳрез.
Огоҳлантиришлар: Кампл (14), де Брюйне (30), Стоунз (81), Адамс (90).
Четлатиш: Уокер (82).
Изоҳ (0)