Россиянинг Рязань вилоятида ўзбекистонлик икки бола сувга чўкиб кетди. Бу ҳақда мамлакат Тергов қўмитасининг Рязань вилояти бошқармаси матбуот хизмати хабар берди.
Аниқланишича, ота-онаси томонидан қаровсиз қолдирилган 4 ва 7 ёшда бўлган болалар «Дедюхино» қишлоғида жойлашган сунъий сув ҳавзасининг очиқ музига чиққан. Кутилмаганда муз ёрилиб, болалар чўкиб кетган.
Маълум қилинишича, марҳумларнинг ота-онаси болаларни Ўзбекистонда дафн этади.
Ҳолат юзасидан Россия Тергов департаментининг Рязань вилояти бўйича бошқармаси томонидан текширув бошланган.
Аввалроқ Россияда вафот этган ўзбекистонлик меҳнат мигрантининг оиласига 1 млн рублдан ортиқ маблағ ундириб берилгани, Россия ҳукумати 150 минг ўзбекистонлик муҳожирнинг мамлакатга киришига қўйилган тақиқни олиб ташлагани тўғрисида хабар берилганди.
Изоҳ (0)