Жиззах вилояти Зафаробод туманида шартнома асосида корхоналарнинг бирида ишлаётган маҳкум бир кишига жароҳат етказиб, сўнг ўзини осиб қўйган. Бу ҳақда вилоят ИИБ ахборот хизмати хабар қилди.
Маълум қилинишича, 2021 йил 17 ноябрь куни соат 15:00 ларда Зафаробод туманида жойлашган 30-сонли манзилли колониясида жазо муддатини ўтаётган, шартнома асосида Шароф Рашидов «Қаҳрамон» МФЙ ҳудудида жойлашган МЧЖда ишлаётган маҳкум ўз иш жойини ташлаб кетади.
Шу куни соат 22:00 ларда ўзи яшаган Бахмал тумани Қирқ қишлоғига бориб, қўшнисининг ўн қўл кафти ва қорин қисмига ошхона пичоғи билан бир неча марта уриб, жароҳат етказади ва қочиб кетади.
Жабрланувчи қорин бўшлиғига санчилиб кирган жароҳат ташхиси билан шифохонанинг жонлантириш бўлимига ётқизилган.
Жиноятни содир этган шахснинг эса 18 ноябрь куни соат 00:30 ларда Бахмал туман ҳудудидаги «Чоршанба» деҳқон бозорида жойлашган савдо дўкони айвонига арқон билан осилган ҳолдаги жасади топилган.
Изоҳ (0)