Фарғона вилоятида йўлнинг машиналар ҳаракатланадиган қатнов қисмида дрифт қилиб, ўзи ва ўзгалар ҳаётига хавф солган ҳайдовчига чора кўрилди. Бу ҳақда Йўл ҳаракати хавфсизлиги бош бошқармаси хабар қилди.
Маълум бўлишича, ижтимоий тармоқларда Nexia ҳайдовчиси йўлнинг қатнов қисмида дрифт қилгани акс этган видеолавҳа тарқалган. Фарғона вилоят ЙҲХБ ходимларининг қидирув-суриштирувлари натижасида транспорт воситаси топилиб, жарима майдончасига жойлаштирилган. Ҳайдовчига тегишли тартибда маъмурий баённома расмийлаштирилган.
«Ўзи аслида бу бўлиб ўтган воқеанинг сабаби — ёшлик, бекорчилик. Интернетда бошқалар ҳам шундай қилгани сабабли қизиқиб, менинг ҳам қўлимдан келади-ю, бошқаларга кўрсатай, қолганлардан яхшироқ қиламан, деган мақсадда қўйгандим. Лекин бу жуда ёмон нарса экан. Салбий таъсирлари кўп экан. Чунки бошқаларнинг ҳам қилгиси келади буни кўриб. Ва кимдир эплолмай қолса, одам уриб юбориши ёки ўзига зиён етиши мумкин экан», — деган қоидабузар ҳайдовчи.
Мавзуга доир:
- Самарқандда тўй кортежидаги «Жигули»лар дрифт қилиб, кескин ҳаракатланди (видео)
- Самарқандда дрифт қилган Lacetti ва Nexia ҳайдовчиларига чора кўрилди, машиналар жарима майдонига жойлаштирилди (видео)
- Тошкентда йўлнинг қатнов қисмида дрифт қилган ҳайдовчига чора кўрилиб, Gentra’си жарима майдонига жойлаштирилди
Изоҳ (0)