Новосибирскда Хитой фуқаросига ҳужум қилган олти нафар ўзбекистонликка ҳукм ўқилди, деб хабар беради «Коммерсантъ».
Таъкидланишича, ишга алоқадор беш нафар шахс 8—10 йилга озодликдан маҳрум этилган, қотилликда айбланган эркак эса 16 йилга қамалган, у жазони қаттиқ тартибли колонияда ўташи белгиланган.
Тергов маълумотларига кўра, ишга алоқадор шахслар 2021 йилнинг 25 июль кечаси иссиқхона мажмуаси ҳудудида бўла туриб икки нафар Хитой фуқаросига ҳужум қилган ва уларга 1,3 миллион рубль зарар етказган.
29 август куни улар яна олти нафар Хитой фуқаросига ҳужум қилиб, уларга 400 минг рубллик зарар етказган. Шу билан бирга, бир нафар хитойлик ўлдирилган.
Аввалроқ Россияда мигрантларни мамлакатга ноқонуний олиб кириш билан шуғулланган икки нафар Ўзбекистон фуқароси ушлангани, Ташқи меҳнат миграцияси агентлиги Москвадаги оммавий муштлашувлар бўйича Россиядаги ўзбекистонликларга мурожаат билан чиққани тўғрисида хабар берилганди.
Изоҳ (0)