Афинада иш ташлашлар туфайли жамоат транспортларининг ҳаракати тўхтаб қолди, деб хабар беради «Известия».
Маълум қилинишича, метро ва трамвай ишчилари 41 ёшли ходимнинг фожиали ўлимига қарши норозилик билдирмоқда. Улар меҳнатни муҳофаза қилиш чораларини кучайтиришни талаб қилиб, 24 соатли иш ташлашни эълон қилган.
Таъкидланишича, иш ташлаш сабабли автобус ва троллейбуслар бир неча соатга тўхтаб қолган, шу билан бирга, автобуслар фақат соат 09:00 дан соат 21:00 га қадар юради, троллейбусларнинг ҳайдовчилари эса маҳаллий вақт билан соат 13:00 дан соат 15:00 га қадар иш ташлашни давом эттиради. Шунингдек, трамвай ва метро ҳам ишламайди.
Афинада бахтсиз ҳодиса ерусти метро линиясида содир бўлган. 16 ноябрь куни тормоз бузилгани сабаб темир йўл вагони поезд билан тўқнашиб кетиши оқибатида уч нафар ходим жароҳат олган, улардан бири кейинроқ вафот этган.
Метро ишчилари Пирея портидаги Cоscо пирсида (кемалар боғлаб қўйиладиган махсус жой) содир бўлган яна бир саноат фожиасини эслаб ўтган ва авария сабабларини тўлиқ ўрганишни ҳамда айбдорлар жазолашни талаб қилмоқда.
Ўз навбатида Греция полицияси иш ташлашлар туфайли ойнинг жуфт санали кунларида жуфт сонли рақамларга эга, тоқ кунларда — тоқ рақамли машиналарнинг Афина марказига киришига қўйилган чекловларни бекор қилган. Қайд этилишича, иш ташлашлар сабаб шаҳарнинг кўплаб йўлларида ҳаракатланиш қийинлашган.
Изоҳ (0)