Ўзбекистонда 2021 йил январидан бери биринчи марта вилоят даражасидаги ҳоким алмашди — Навоий вилояти ҳокими Қобул Турсунов соғлиғи туфайли ўз аризасига кўра вазифасидан озод этилди. Унинг ўрнига 1972 йил Тошкент вилоятининг Чиноз туманида туғилган, кўп йиллар Навоий вилояти Давлат солиқ бошқармаси бошлиғи лавозимида ишлаган, жорий тайинловга қадар Тошкент шаҳар Давлат солиқ бошқармаси бошлиғи сифатида фаолият кўрсатиб келаётган Нормат Турсунов Навоий вилояти ҳокими вазифасини бажарувчи этиб тайинланди.
Маълумот учун, Нормат Турсунов вилоят тарихидаги еттинчи ҳоким бўлди. Навоийга охирги беш йил давомида раҳбарлик қилган Қобул Турсунов эса ҳоким лавозимида узоқ ишлаш бўйича вилоят тарихида учинчи бўлди. Ҳозирги вақтда Самарқанд вилоятига ҳокимлик қилаётган Эркинжон Турдимов бу борада мутлақ рекордчи ҳисобланади — у Навоий вилоятига 8 йил ҳокимлик қилган.
Изоҳ (0)