Ғарбий Африка давлати Сьерра-Леонеда 5 ноябрь куни юк машинаси билан тўқнашган бензовознинг портлаши оқибатида ҳалок бўлганлар сони ортди, деб ёзмоқда Reuters.
Сьерра-Леоне Соғлиқни сақлаш вазирлигининг сўнгги маълумотларига кўра, пойтахт Фритаунда юз берган мазкур портлаш қурбонларининг сони 144 кишига етган. Шунингдек, 57 киши шифохонада даволанмоқда, улардан 11 нафарининг аҳволи оғир.
Портлаш шаҳарнинг Бай Буреҳ турар жой массивида содир бўлганди. Дастлаб ҳодиса оқибатида 100 дан ортиқ киши ҳалок бўлгани хабар қилинди. Қурбонлар сонининг юқорилигига сабаб — кўплаб одамлар автоҳалокатдан кейин ёқилғини текинга қуйиб олиш учун қулаган бензин цистернаси олдига югурган. Ҳодиса вақтида атрофда бўлган кишиларнинг бир қанчаси куйган ва яраланган. Портлаш ва ёнғин оқибатида ўнлаб бинолар вайрон бўлиб, иккита ёқилғи қуйиш шохобчаси ёниб кетган.
Август ойида Ливанда газ танкери портлаб, ҳодиса оқибатида камида 20 нафар одам ҳалок бўлган, 100 га яқин киши турли даражада жароҳатланган эди. Октябрь охирида Ямандаги халқаро аэропорт яқинида мина қўйилган автомобиль портлагани, оқибатда камида 10 киши ҳалок бўлгани ҳақида хабар берилган.
Мавзуга доир:
- Қозоғистондаги ҳарбий қисмда юз берган портлашда камида 5 киши ҳалок бўлди, 90 киши жароҳатланди (видео)
- Мексика кўрфазидаги Pemex нефть платформасида портлаш ва ёнғин содир бўлди (видео)
- Воронежда автобус портлаши оқибатида 18 киши жабрланди, улардан бири вафот этди. Ҳозирча теракт версияси кўриб чиқилмаяпти (фото ва видео)
Изоҳ (0)