Тошкент шаҳри Шайхонтоҳур туманида 3 ноябрь куни «Тошкент шаҳрида ГАИ, ҳайдовчини юзига ҳужжатларни отиб кетиб қолди» сарлавҳали видеолавҳа тарқалди. Йўл ҳаракати хавфсизлиги бош бошқармаси ҳолат бўйича маълумот берди.
Қайд этилишича, туманнинг Алишер Навоий ва Лабзак кўчалари кесишган чорраҳада соат тахминан 19:50 атрофида хизмат олиб бораётган ЙПХ ходими Б.Садиков томонидан Matiz автомобили ҳайдовчиси пиёдаларга йўл бермагани боис тўхтатилган. Ўзаро мулоқот вақтида ҳайдовчи эътирозлари борлигини айтган. Видеода ходим ҳужжатларни ҳайдовчининг қўлига бермай, салонга ташлаб кетгани акс этган.
Таъкидланишича, мазкур ҳолат юзасидан Тошкент шаҳар ИИББ ЙҲХБ масъул ходимлари томонидан хизмат текшируви ўтказилмоқда. Текширув давомида видеода акс этган барча ҳолатларга ҳамда ЙПХ ходимининг хатти-ҳаракатига ҳуқуқий баҳо берилади.
Бундан ташқари, юқоридаги вазият бўйича ҳайдовчининг қоидабузарлиги исботланиб, унга нисбатан маъмурий баённома расмийлаштирилган.
Мавзуга доир:
- Самарқандда ҳайдовчи билан тиббий ниқобсиз мулоқот қилган ЙПХ ходими жаримага тортилди
- Оҳангаронда ЙПХ ходими фуқаронинг тасвирга олишига қаршилик билдириб, унга куч ишлатгани акс этган видео бўйича расмий маълумот берилди
- Тошкентда хизмат вақтида ухлаган ва турли номақбул ҳаракатлар қилган ЙПХ ходими ишдан олинди
Изоҳ (0)