Тошкент шаҳар ИИББ ижтимоий тармоқларда тарқалган бир неча фуқаро ўртасида юз берган жанжал видеоси юзасидан расмий маълумот берди.
Маълум қилинишича, 31 октябрь куни соат 22:00 ларда пойтахтниг Боғишамол кўчасида бир нечта фуқаролар ўртасида жанжал юз берган. Хусусан, 30 ёшли Ж.И. ва унинг танишлари 30 ёшли М.Х., 39 ёшли Ж.А., 24 ёшли У.Р., 37 ёшли Х.А., 27 ёшли Х.С., 30 ёшли У.Д. ўзаро жанжаллашган. Натижада гумонланувчилардан бири 30 ёшли Ж.И. қочмоқчи бўлган Chevrolet Equinox русумли автомобилга зарар етказган.
Мазкур ҳолат юзасидан Юнусобод тумани ИИО ФМБ тергов бўлими томонидан Жиноят кодексининг 277-моддаси (безорилик) 2-қисми «б» ва «в» бандлари билан жиноят иши қўзғатилган. Ҳозирда тергов давом этмоқда.
Аввалроқ Фарғонада бир гуруҳ шахслар дўконлардан бирининг ойналарини сидириб, ёқиб юборгани ва ҳолат юзасидан жиноят иши қўзғатилгани, Сурхондарёда бир гуруҳ фуқаролар ўртасида содир бўлган муштлашув содир бўлгани, Қашқадарёда икки маст фуқаро уч киши билан жанжаллашиб, уларни жароҳатлагани тўғрисида хабар берилганди.
Изоҳ (0)