Терлаш ва дезодорантдан қолган доғни кетказишга ёрдам берадиган самарали усуллар

Аксарият аёл-қизлар дуч келадиган муаммоларни бартараф қилишга ёрдам берадиган тавсияларни эътиборингизга ҳавола қиламиз.

Оқ доғни сариғидан фарқи нима?

Кийимдаги оқ доғлар дезодорант суртилган терига текканидан кейин пайдо бўлади. Сариғи эса антиперспирантлар таркибдаги алюминий тузи ва тери аралашмаси бўлади.

Дезодорант доғи билан курашишда муҳим бўлган қоидалар:

• доғ қанчалик янги бўлса, уни кетказиш шунча осон;
• қайноқ сувда ювманг;

Дезодорантдан қолган янги доғни кетказиш учун нима қилиш керак?

Суюқ совун, гель, шампунь ёки идиш ювадиган гель қўшилган сувга ивитиб қўйинг. Бир неча соатдан кейин машинага солиб ювинг.

Туз ёрдамида

Доғли жойни намлаб унга туз сепинг. Бир неча соатдан кейин яхшилаб ювиб ташланг.

Капрон

Капрон колготка дарҳақиқат дезодорант доғлари қолишининг олдини олади. Бунинг учун қўлтиқ соҳасини капрон билан артиш кифоя.

Тиббиёт спирти

Доғда спирт ёки ароқдан бироз қуйиб, ярим соатга қолдиринг. Кейин эса кир ювиш машинасига солиб ювинг.

Идиш ювадиган воситалар

Гель суртилган губкани кийимнинг доғли қисмига суртиб, бир соатга қолдиринг. Кейин эса оддий усулда ювиб ташланг.

Сирка

Оқ бўлмаган ҳар қандай кийимда бу усул иш беради. Сирка сепилган кийимни 2-3 соатга қолдиринг.

Доғларни кетказишга ёрдам берадиган универсал усуллар

Илиқ сув солинган стаканга нашатир спирт ва туз қўшинг. Аралашма суртилган кийимни 15 дақиқадан кейин кир ювиш машинасига солинг.

Водород пероксиди ва туз

4 ош қошиқ водород пероксидига 2 ош қошиқ ичимлик содаси, шунингдек, 1 чой қошиқ идиш ювадиган гел қўшиб аралаштиринг. Кийимга суртиб 60-80 дақиқа қолдиргандан кейин кир ювиш машинасига солиб оддий режимда ювиб ташланг.

Лимон шарбати

Доғ бўлган жойга чўтка ёрдамида лимон шарбатини суртинг. Бироздан кейин оддий усулда ювиб ташланг.

Ичимлик содаси

Тўртдан бир қисмига сода солинган стаканга 4 ош қошиқ сув қўшинг. Кийимдаги доғга суртиб қўйгандан кейин қуришини кутинг. Шундан сўнг кир ювиш машинасига солишингиз мумкин.

Аспирин

Икки дона аспиринни ярим стакан сувга солиб аралаштиринг. Доғ устига суртиб 3-4 соатга қолдиринг. Кейин эса оддий усулда ювиб ташланг.

Мицеляр сув

Мицеляр сув билан намланган пахта дискини кийимдаги доғ устида 5-10 дақиқа қолдиринг. Кейин эса оддий усулда ювиб ташланг.

Хўжалик совуни

Қирғичдан чиқарилган кир совунни илиқ сувга аралаштиринг. Доғ устига аралашма билан ишлов бергандан кейин оддий усулда ювиб ташланг.

Қора кийимдаги дезодарантдан қолган оқ доғни қандай бартараф қилса бўлади?

Бу борада туз, хўжалик совуни яхши самара бериши мумкин

Дезодорантдан қолган сариқ доғни кетказиш учун нима қилиш керак?

Бу борада лимон шарбати ёки сувга аралаштирилган лимон кислотаси ёрдам бериши мумкин.

Терлаш ёки дезодорантдан доғ қолмаслиги учун нима қилиш керак?

Дезодорант-антиперспирантни, душ қабул қилгандан кейин тоза ва қуриган терига суртиш керак. Ортиқча суртиб юборманг, номига ишлатишнинг ўзи кифоя.

Қуриганидан кейингина кийининг.

Ҳаддан ташқари кўп тери ажралишидан азият чекадиганларга махсус салфеткалардан фойдаланиш тавсия қилинади. Бунинг учун кийимнинг қўлтиқ қисмига салфеткани ёпиштириш кифоя. Бу доғ ва дезодарантларнинг изи тушишининг олдини олади.