Тошкент шаҳридаги чанг–қум аралаш туман туфайли нафас олишда муаммолар юзага келган пойтахт аҳолиси тиббиёт муассасаларига мурожаат қилмоқда, деб хабар берди Республика ихтисослаштирилган илмий-аллергия маркази ва 1-шаҳар клиник шифохонасига таяниб, «Gazeta.uz».
Нашрга 1-шаҳар касалхонасининг хабар беришича, соат 22:45 да шифохонага Юнусобод ва Шайхонтоҳур туманларидан икки нафар эркак нафас олишдаги муаммо туфайли мурожаат қилган. Ҳамширанинг сўзларига кўра, беморлардан бирида шамоллашдан кейин қуруқ йўтал бўлган, йўтал ҳаводаги чанг миқдорининг ортиши билан кучайган.
«Маълум бўлишича, эркакнинг хонадонидаги дераза ва эшиклар очиқ қолган, бунинг натижасида каравот ва бошқа мебеллар устида чанг тўпланиб қолган. Бемор каравотга ёца бўғила бошлаган», — дейилади шифохона хабарида.
Мавзуга доир: Тошкентни қоплаган чанг бўрони — суратларда
Шифокор аллергия ва нафас олишда муаммолар кузатилганда уйдан чиқмасликни, деразаларни ёпишни ва бино ичидаги яшаш хоналарида намликни оширишни маслаҳат берди.
Эслатиб ўтамиз 4 ноябрь куни тупроқнинг қуруқ устки қатламларини шамол кўтаргани туфайли Тошкент шаҳри ва бошқа вилоятларда чанг–қум аралаш туман юзага келди. Пойтахт ҳавосидаги чанг миқдори меъёрдан 5 баробар ошиб кетди. Шу билан бирга, ҳаво ҳарорати нолдан пастга тушди.
Изоҳ (0)