Бироз аввал тиббий кўрикдан ўтган ва икки ҳафта енгиллаштирилган режимда ишлаш тавсиясини олган Буюк Британиянинг 95 ёшли қироличаси Елизавета II 2021 йил 1 ноябрь куни яшил «Ягуар Эстейт» русумли автомашинасини Виндзор қалъаси ҳудудида ёлғиз ўзи бошқарган, деб ёзади Esquire.
Қиролича ўша куни қора кўзойнак тақиб, рўмол ўраб олган. Версияларнинг бирига кўра, Елизавета II илгари бир неча марта қилганидек, ўзининг корги итини сайрга олиб чиққан.
Қироличанинг машина бошқарувидаги сурати 2021 йил 20 октябрь куни шифохонада тунаб қолганидан буён оммавий ахборот воситаларида пайдо бўлган илк суратлари бўлди. Шундан сўнг Елизавета II шифокорлар тавсиясига кўра БМТнинг иқлим бўйича саммити учун Глазгога сафарини бекор қилди. Қиролича 2021 йил 13 ноябрда ҳар йили ўтказилиб келинаётган «Хотира куни» фестивалининг очилишида ҳам иштирок этмайди, аммо у 2021 йил 14 ноябрь куни Лондонда бўлиб ўтадиган хотира маросимида иштирок этишни режалаштирмоқда.
Изоҳ (0)