Самарқанд халқаро аэропортига келувчи ва ундан кетувчи 20 октябрдан 20 ноябргача режалаштирилган рейслар аэропорт реконструкцияси туфайли бекор қилинди, деб хабар беради Uzbekistan Airways.
Аввалроқ компания янги аэродром мажмуасини очишга тайёргарлик кўрилиши муносабати билан бир ойга ёпилишини ва рейслар Навоий, Бухоро ҳамда Қаршига йўналтирилиши ва у ердан йўловчилар учун Самарқандга ерусти трансфери ташкил этилишини эълон қилганди.
Қайд этилишича, 2022 йилда ШҲТ саммитига тайёргарлик доирасида Самарқандда янги аэродром мажмуаси қурилиши давом этмоқда.
Бундан аввал Самарқанд аэропорти бошқарувини Air Marakanda компаниясига бериш режалаштирилаётгани ҳамда Самарқанд халқаро аэропортига янги директор тайинлангани ҳақида хабар берилганди.
Изоҳ (0)