Россияда ишламоқчи бўлган ўзбекистонликларга қурилиш соҳасида 10 мингта иш ўрни таклиф этилгани, уларни мамлакат ҳудудида тиббий кўрикдан ўтказишни ташкил этиш учун тиббий асбоб-ускуналар билан Россиянинг 40 нафар тиббиёт ходими Ўзбекистонга келгани тўғрисида хабар берилганди. ССВ матбуот хизматининг маълум қилишича, ишлаш учун жалб қилинаётган фуқаролар янги турдаги «Спутник Лайт» вакцинаси билан эмланади.
Маълум қилинишича, номзодларни ишга жалб қилиш, тиббий кўрикдан ўтказиш, эмлаш, рус тили ва Россия қонунчилиги бўйича имтиҳон топшириш, патент расмийлаштириш ва транспорт харажатлари — иш берувчилар томонидан қопланади.
Таъкидланишича, Россия Соғлиқни сақлаш вазирлиги томонидан меҳнат мигрантларини эмлаш учун янги турдаги «Спутник Лайт» (Sputnik Light) вакцинасининг 12 минг дозаси Ўзбекистонга олиб келинган. «Спутник Лайт» бир компонентли вакцина бўлиб, у билан тўлиқ эмланиш учун вакцинанинг бир дозасини олиш кифоя қилади.
Ушбу вакцина билан фақат Ўзбекистондан юборилиши мўлжалланган 10 минг нафар қурувчи мигрантлар эмланади. Вакцинация жараёни россиялик тиббиёт ходимлари томонидан амалга оширилади. Эмлаш жараёнлари тез орада бошланиши кутилмоқда.
Аввалроқ Ўзбекистонда «Спутник V» вакцинасининг дастлабки партияси ишлаб чиқарилгани тўғрисида хабар берилганди. Jurabek Laboratories МЧЖ қўшма корхонасида ишлаб чиқарилаётган вакцинанинг и 1- ва 2- компонентларининг дастлабки 260 500 дозаси Санитария-эпидемиологик осойишталик ва жамоат саломатлиги хизматига топширилган.
Изоҳ (0)