Сурхондарёдаги заправкада Lacetti’нинг газ баллони портлаб кетди

Сурхондарёдаги сиқилган газ тўлдириш шохобчаларининг бирида Lacetti’нинг газ баллони портлаб кетди, деб хабар беради ФВВ матбуот хизмати.

Маълум қилинишича, 2 октябрь куни соат 15:30 да Жарқўрғон туманида жойлашган «Жарқўрғон Сарбон-Брокер» МЧЖга қарашли сиқилган газ тўлдириш шохобчасида Lacetti русумли автомобилга газ тўлдириш жараёнида газ баллонининг ёрилиши юзага келган.

Ҳодиса оқибатида тан жароҳати олганлар йўқ, ёнғин содир бўлмаган, ёнғин-қутқарув экипажлари чақирилмаган.

Дастлабки тахминларга кўра, газ баллонининг ёрилишига автомобилга ўзбошимчалик билан ўрнатилган (ECeK 110 Sh 72 кг скотчли) газ баллонининг юқори босим остида техник деформацияси сабаб бўлган.

Аввалроқ Қашқадарёда ҳаракатланаётган Lacetti’нинг газ баллони портлаб кетгани, Навоийдаги газ-заправкада портлаш содир бўлгани, Навоийдаги заправкада Labo ёниб кетгани тўғрисида хабар берилганди.