ИИВ ЙҲХББ ижтимоий тармоқларда тарқалган Қашқадарёда Damas автомобили ёниб кетгани тасвирланган видео бўйича маълумот берди.
Маълум қилинишича, 29 сентябрь куни соат 22:45 ларда вилоятнинг Шаҳрисабз тумани ҳудудидан ўтган М-39 автомобиль йўлининг 1176-километрида 22 ёшли О.Қ. бошқарувидаги Damas автомобилда ҳаракат вақтида қисқа туташув ва унинг ортидан ёнғин юзага келган.
Ҳайдовчи тўхтаган ва ўзи зудлик билан автомобилдан тушган.
Ёнғин ўт ўчирувчилар томонидан ўчирилган. Ҳодиса натижасида тан жароҳати олганлар йўқ. Мазкур ҳолат юзасидан Шаҳрисабз туман ФВБ ва ЙҲХБ ходимлари томонидан суриштирув олиб борилмоқда.
Аввалроқ Бухорода тўхтаб турган Cobalt’да ёнғин чиққани, Наманганда Spark, Жиззахда «КамАЗ» ёниб кетгани ҳамда Қаршида ҳаракатланиб кетаётган Lacetti’да ёнғин чиққани ҳақида хабар берилганди.
Изоҳ (0)