Экспертлар машинанинг орқа ўриндиғидаги йўловчиларни энг кам ҳимоя қиладиган автомобиллар номини эълон қилди, деб хабар беради Motor.
Мазкур рўйхатдан 2021 йилги модель қаторига кирувчи Genesis G80 бизнес седани ҳам ўрин олган бўлиб, у иккинчи қатордаги йўловчиларининг хавфсизлигини таъминлаш борасида 100 баллдан 24 балл қўлга киритган. Янги Volkswagen Taos эса 31 балл тўплай олган, холос. Бу каби паст баҳолар, шунингдек, Jeep Grand Cherokee L, Hyundai Santa Fe, Tucson ва Kia Carnival’га ҳам берилган.
Нисбатан хавфсиз моделлар рўйхатидан тўлиқ ўлчамли Toyota Sienna (69 балл), янги авлод Nissan Rogue/X-Trail (66 балл) ва Ford Bronco Sport (61 балл) ўрин олган. 2022 йилги модель қаторидаги автомобиллар орасида Nissan Pathfinder ва Honda Civic (66 баллдан), шунингдек, Mitsubishi Outlander кроссовери (52 балл) алоҳида ажратиб кўрсатилган.
Эслатиб ўтамиз, 2021 йилнинг бошида Америка йўл ҳаракати хавфсизлиги суғурта институти (IIHS) краш-тестлар натижасига асосланган хавфсиз автомобилларнинг муқобил рейтингини тақдим этганди. Ўшанда 2021 йилнинг энг хавфсиз автомобиллар қаторидан 49 та модель ўрин олган, хусусан, Audi A6, Cadillac ХТ6, Lexus НХ, Volvo С60, Ford Explorer, Honda Accord, Kia K5, шунингдек, Nissan Maxima, Mazda CХ-5 ва Toyota Sienna.
Изоҳ (0)