Самарқанд вилоятининг Жомбой туман ҳокимлиги биноси рўпарасида 5 туп ноёб дарахт кесиб ташланди. Бу ҳақда «Дарё»га вилоят Экология ва атроф-муҳитни муҳофаза қилиш бошқармаси ахборот хизмати маълум қилди.
Таъкидланишича, 2021 йил 19 сентябрдан 20 сентябрга ўтар кечаси Жомбой туман ҳокимлиги биноси рўпарасида Галакапа кўчаси ёқасида ўсиб турган 3 туп чинор, 2 туп қарағай кесиб ташланган. Экология назорат инспекцияси ходимлари чинорлар ярим асрлик экани, кесилган дарахтлар ҳеч бир касалликка чалинмагани аниқланган.
Ҳокимлик мутасаддилари дарахтлар кесиб кетилганидан бехабар қолганини айтган. Шундан сўнг ҳолат юзасидан инспекторлар томонидан тегишли тартибда далолатнома расмийлаштирилиб, тезкор суриштирув ва ўрганиш ишлари олиб борилмоқда.
Аввалроқ Сурхондарёда Бутунжаҳон биохилма-хилликни асраш кунида арчалар оммавий кесилгани хабар берилганди.
Изоҳ (0)