Футбол бўйича Ўзбекистон Суперлигасининг 19-турида «Пахтакор» 19 сентябрь, якшанба куни «Андижон» майдонида меҳмон бўлди.
Учрашувнинг 25-дақиқасида Фарҳод Соҳибжонов андижонликларни ҳисобда олдинга олиб чиқди. Қолган вақтда катта устунлик пойтахт клуби томонида бўлди, бироқ «шерлар» вазиятни ўнглай олмади.
Қайд этиш керак, бу ўйинда «Пахтакор»нинг 565 дақиқалик қуруқ сериясига барҳам берилди. «Шерлар» кетма-кет 6 ўйиндан буён ўз дарвозаси дахлсизлигини сақлаб келаётганди. Шунингдек бу Питер Ҳюистра шогирдлари учун мавсумдаги илк мағлубият бўлди.
Ушбу ғалабадан кейин «Андижон» очколарини 15 тага етказиб олган ҳолда 12-ўринга кўтарилди. «Пахтакор» (48) ҳамон якка пешқадам бўлиб турибди.
Суперлига
19-тур баҳси
19 сентябрь, якшанба
«Андижон» — «Пахтакор» 1:0
Гол: 1:0 – 25 Соҳибжонов.«Андижон»: 1. Элдор Адҳамов, 2. Сардор Ҳурсандов, 3. Азамат Исроилов (Абдулхай Исмоилов, 79), 5. Абдувоҳид Ғуломов, 8. Бахтиёр Қосимов, 9. Павел Забелин, 14. Василий Совпел, 17. Фарҳод Соҳибжонов (70. Диёр Раҳимқулов, 87), 18. Абдуғани Камолов, 26. Муҳаммадкарим Тоиров, 49. Пламен Димов
«Пахтакор»: 35. Санжар Қувватов, 3. Ҳожиакбар Алижонов, 5. Анзур Исмоилов, 7. Одилжон Ҳамробеков, 8. Азиз Турғунбоев, 10. Драган Черан, 11. Боян Матич (9.Шерзод Темиров, 75), 16. Марлен Чобанов, 27. Сардор Собирхўжаев (21.Аброр Исмоилов, 46), 28. Диёр Холматов (18.Ҳожимат Эркинов, 46), 34. Фаррух Сайфиев (19.Шароф Муҳитдинов, 75).
Огоҳлантиришлар: Қосимов (54), Соҳибжонов (74).
Изоҳ (0)