Ўзбекистон ташқи ишлар вазири Абдулазиз Комилов ва Буюк Британия ташқи ишлар, ҳамдўстлик ва тараққиёт масалалари бўйича вазири Доминик Рааб ўртасида телефон орқали мулоқот бўлиб ўтди.
Ташқи сиёсий идоралар раҳбарлари минтақавий ва халқаро кун тартибининг долзарб масалаларини, шунингдек, икки томонлама муносабатлар ривожини муҳокама қилди.
Сўнгги йилларда Ўзбекистон ва Буюк Британия ўртасидаги ҳамкорлик жадал ривожланиб, сифат жиҳатидан янги босқичга кўтарилгани қайд этилди.
Афғонистондаги вазият ва мазкур мамлакатда тинч сиёсий жараёнга кўмаклашиш борасида фикр алмашилди. Ҳар икки томоннинг бу йўналишда ҳамкорликни кенгайтиришдан бирдай манфаатдор экани маълум қилинди.
Бундан аввал Абдулазиз Комилов Италия ташқи ишлар вазири билан Афғонистондаги вазиятни муҳокама қилгани, Ўзбекистон Президентининг Афғонистон бўйича махсус вакили Исматулла Иргашев Туркия элчиси Олган Бекар билан учрашгани ҳамда Абдулазиз Комилов Тошкентда Германия ташқи ишлар вазири билан учрашув ўтказгани ҳақида хабар берилганди.
Изоҳ (0)