Ўзбекистон Президентининг 2021 йил 31 августдаги ПҚ-5240-сонли қарори билан Азим Аҳмадхўжаев Исроилович Ўзбекистон энергетика вазирининг биринчи ўринбосари этиб тайинланди.
Азим Аҳмадхўжаев 1979 йилда Тошкент шаҳрида туғилган. У Тошкент давлат иқтисодиёт университети битирувчиси (2002 йил). 2016 йил майидан 2017 йил мартига қадар «Асака» банки бошқаруви раиси бўлган. Аввалроқ 2011 йил майидан Ўзбекистон ташқи иқтисодий фаолият Миллий банки бошқаруви раиси ўринбосари, сўнгра бошқарув раисининг биринчи ўринбосари лавозимларида фаолият кўрсатган.
2018 йил февралида АТ ва коммуникацияларини ривожлантириш вазири, августдан ЛБМАда рақамли иқтисодиёт ва блокчейнни ривожлантириш масалалари бўйича блок раҳбари бўлди.
Ушбу лавозимгача у Жиззах вилояти ҳокимининг ўринбосари – инвестициялар ва ташқи савдо бошқармаси бошлиғи лавозимида фаолият юритиб келаётган эди.
Изоҳ (0)