«Толибон» ҳаракати жангарилари қўшиқчи ва халқ куйлари ижрочиси Фавад Андарабийни қатл этди. Бу ҳақда Times Now нашри, шунингдек, Афғонистон собиқ ички ишлар вазири Масъуд Андарабий маълум қилди, деб ёзади «РБК».
«Андарабда ‘Толибонънинг шафқатсизлиги давом этмоқда. Бугун улар ушбу водий ва унинг аҳолисига шунчаки хурсандчилик бахш этиб келаётган фолклор қўшиқчи Фавад Андарабийни ваҳшийларча ўлдирди», — деб ёзди собиқ вазир Twitter’да.
Times Now қўшиқчининг ўғлига таяниб хабар беришича, унинг отаси «Толибон» Афғонистонда мусиқани тақиқлаб қўйганидан кейин бир неча кун ўтиб отиб ташланган.
Аввалроқ гуруҳ вакили Забиҳулла Мужоҳид The New York Times нашрига берган интервьюсида «Толибон» Афғонистонда жамоат жойларида мусиқа ижро этилишини тақиқламоқчи экани, чунки бу, уларнинг фикрича, ислом дини қоидаларига зидлигини маълум қилганди.
The New York Times маълумотларига кўра, ҳозирги пайтда гуруҳ матбуот котиби вазифасини бажараётган Забиҳулла Мужоҳид ахборот ва маданият вазири этиб тайинланиши мумкин.
«Мусиқа исломда тақиқланган, лекин биз одамларга босим ўтказмасдан, балки уларни бундай ишларни қилмасликка кўндиришга умид қиляпмиз», — деди Мужоҳид.
Мавзуга доир:
- «Толибон» мусиқани тақиқламоқчи, Ғарб мамлакатлари Кобулдан эвакуацияни якунламоқда. Афғонистон янгиликлари
- «Толибон» афғон аёлларини уйдан чиқмасликка чақирди. Чунки жангариларга ҳали «аёллар билан қандай мулоқот қилиш ўргатилмаган»
- «Толибон» Афғонистонда гиёҳванд моддалар ишлаб чиқариш тўхтатилишни ваъда қилди. Бу улар учун энди энг асосий даромад манбаи эмас. Бироқ толиблар ваъдасини бажармаслигининг эҳтимоли юқори
Изоҳ (0)