Ўзбекистон Президенти Шавкат Мирзиёев Америка Қўшма Штатлари президенти Жозеф Байденга мактуб йўллади.
Унда Шавкат Мирзиёев Афғонистоннинг Кобул халқаро аэропорти ҳудудида содир этилган террорчилик ҳужуми оқибатида АҚШ ҳарбий хизматчилари қурбон бўлгани муносабати билан чуқур таъзия изҳор қилиб, вафот этганларнинг оила аъзолари ва яқинларига ҳамдардлик билдирди.
Эслатиб ўтамиз, 26 август куни Кобул аэропорти яқинида иккита портлаш содир бўлди. Гувоҳларнинг сўзларига кўра, портлашлар деярли бир вақтда юз берган, улардан кейин отишма бошланган.
Сўнгги маълумотларга кўра, портлаш қурбонлари сони 103 кишига етган. Уларнинг 90 нафари Афғонистон фуқаролари бўлса, 13 нафари америкалик ҳарбийлардир.
Бунден аввал Шавкат Мирзиёев Қосим-Жўмарт Тўқаевга Жамбил вилоятида юз берган портлаш муносабати билан ҳамдардлик билдирганди.
Мавзуга доир: Кобул аэропорти яқинида портлаш юз берди (видео)
Изоҳ (0)