Президент Шавкат Мирзиёевга ишбилармонлар томонидан йўлланган мурожаатларнинг 2 мингга яқини оилавий тадбиркорлик йўналишини ташкил этади. Бу ҳақда давлат раҳбари тадбиркорлар билан бўлиб ўтаётган очиқ мулоқотда маълум қилди, деб хабар беради «Дарё» мухбири.
Ислоҳотларимиз учун ўта муҳим бўлган оилавий тадбиркорлик йўналишида ҳам 2 мингга яқин мурожаатлар келиб тушган. Энди бу янги тизимда одамларимиз тадбиркорлик учун кредит оламан деб ҳокимиятга, банкка ёки бошқа идорага бориб юрмайди, асбоб-ускуналарни сотиб олиш учун таъминотчини қаердан топаман деб, бош қотиришга зарурат қолмайди.Аввалроқ Шавкат Мирзиёев ташаббус кўрсата олмайдиган, янги-янги ғояларни кўтариб чиқишга, ўзгариш қилишга интилиши бўлмаган раҳбарларга нисбатан жуда қаттиқ талаб ва чоралар бўлишини билдирган эди.Кредитни расмийлаштиришдан тортиб, маҳсулотни олиш-сотишгача бўлган барча жараёнлар, электрон тарзда, онлайн ҳал этилади.
Ўз навбатида, ушбу платформа таъминотчи корхоналар учун ҳам, камида 10 триллион сўмлик бозор яратади. Яъни таъминотчилар учун, ўзлари ишлаб чиқарган асбоб-ускуналар, хом ашё ва тайёр маҳсулотларни тўғридан-тўғри сотиш имконияти яратилади.
Иқтисодий комплекс раҳбарлари Қўчқоров, Нурмуратов, тижорат банклари уч ой муддатда жойларда, тадбиркор ва аҳолимизга ушбу қулайликларни кенг тушунтириб, ундан самарали фойдаланишни йўлга қўйишни ташкил этишлари зарур.
Бу борада, маҳаллабай иш ташкил этиш бўйича «Андижон тажрибаси»ни бутун мамлакат бўйлаб кенг қўллаш лозим бўлади.
Шавкат Мирзиёев, Ўзбекистон Президенти
Мавзуга доир:
Изоҳ (0)