Польшанинг LOT авиакомпаниясига қарашли Boeing 787-8 Dreamliner самолёти Навоий шаҳридаги халқаро аэропортга келиб қўнди, деб хабар беради Telegram’даги «Новости Ташкентского неба» канали.
Маълум қилинишича, экипаж Афғонистондаги Польша дипломатларини эвакуация қилиш учун Варшавадан LO-7023 рейсини амалга оширган.
Шунингдек, Навоий халқаро аэропортига Кобул аэропортидан ичида Польша фуқаролари бўлган Полиш Air Force авиакомпанияснинг Lockheed C-130H Hercules борти учиб келмоқда. «Навоийда фуқаролар Польша авиакомпаниясининг йўловчи ташишга мўлжалланган Dreamliner’ига ўтиради», — дейилади хабарда.
Аввалроқ Германиянинг иккинчи эвакуация самолёти 125 нафар йўловчи билан Афғонистондан Тошкентга учиб келгани тўғрисида хабар берилганди.
Мавзуга доир:
Шу куниёқ United Airlines, British Airways ва Virgin Atlantic авиакомпаниялари Афғонистон ҳаво ҳудудидан фойдаланишни тўхтатди. 17 август куни улар қаторига Air France-KLM, Lufthansa, Qatar Airways, Singapore Airlines, China Airlines ва бошқа авиакомпаниялар қўшилди.
Изоҳ (0)