Тошкент шаҳрида ўтказилаётган «Хавфсиз пойтахт» концепцияси доирасида олиб борилган профилактик тадбирлар давомида Сурияда фаолият олиб бораётган халқаро террорчилик ташкилотларининг бир гуруҳ аъзолари аниқланди.
Пойтахт ИИБб матбуот хизмати хабарида қайд этилишича, ҳозирда қидирувда бўлган қуйидаги шахслар ушбу ташкилот билан интернет тармоғи орқали алоқада бўлиб келганликда гумонланмоқда:
- 1978 йилда туғилган, Олмазор туманида истиқомат қилган Мусажонова Феруза Сабитовна;
- 1981 йилда туғилган, Шайхонтоҳур туманида истиқомат қилган Қосимов Сарвар Одилжонович;
- 2001 йилда туғилган, Учтепа туманида истиқомат қилган Абдукахоров Абдурахим Абдумалик ўғли;
- 1993 йилда туғилган, Яшнобод туманида истиқомат қилган Джумабаев Дилшод Мурод ўғли;
- 1999 йилда туғилган, Мирзо Улуғбек туманида истиқомат қилган Муҳаммадбакиев Абдулаҳад Бахтиёр ўғли;
- 1990 йилда туғилган, Юнусобод туманида истиқомат қилган Улмасов Миролим Мирсамухович;
- 2001 йилда туғилган Сергели туманида истиқомат қилган Собиржонов Нодир Жахонгир ўғли.
Тадбир давомида ушланган шахсларнинг яшаш манзилларида ўтказилган тезкор тергов ҳаракатлари натижасида экстремистик оқим ва халқаро террорчилик ташкилоти тарғиботчиларининг ақидапарастлик ғоялари билан йўғрилган ва тақиқланган материаллар топилиб, қонуний тартибда расмийлаштирилиб олинган.
Ўтказилган тадбирлар натижасида 1 нафар шахсга нисбатан Жиноят кодексининг тегишли моддаларига асосан жиноят иши қўзғатилган ҳамда 10 нафар шахсларга нисбатан Маъмурий жавобгарлик тўғрисидаги кодекснинг тегишли моддаларига асосан маъмурий жазо чоралари тайинланган. Ҳозирда тезкор тергов тадбирлари давом эттирилмоқда.
Аввалроқ «Хавфсиз ҳудуд» кенг қамровли профилактик тадбирлари доирасида Тошкент вилоятининг Чиноз туманида «Жиҳодчилар» экстремистик оқими аъзоларининг 10 нафари қўлга олингани, Зангиота туманида экстремистик фаолият билан шуғулланиб келаётган бир гуруҳ шахслар аниқлангани ҳақида хабар берилган эди.
Изоҳ (0)