Самарқанд вилояти Паст Дарғом туманидаги хонадонларнинг бирида ёнғин юз бериб, унга туташ уйга ҳам зарар етказди. Бу ҳақда ФВВ матбуот хизмати хабар берди.
Маълум қилинишича, 11 август куни соат 10:32 да туманнинг «Мирзотўп» МФЙ, П.Худойбердиев кўчасида ёнғин бўлаётгани тўғрисида фавқулодда вазиятлар бўлимига хабар келиб тушган. Шунга кўра, 3 та ёнғин-қутқарув экипажи соат 10:38 да воқеа жойига етиб бориб, соат 11:03 да ёнғин ўраб олинган ва соат 11:34 да батамом ўчирилган.
Ёнғин оқибатида бир-бирига туташ қурилган уйларда биринчисининг 150 квадрат метр ҳамда қўшни уйнинг 10 квадрат метр майдонда том қисми ёниб, зарарланган. Ҳодиса оқибатида ҳалок бўлган ва жабрланганлар йўқ.
Хабарда айтилишича, ҳозирда ёнғин сабаби ва моддий зарар миқдори аниқланмоқда.
Аввалроқ Самарқанд шаҳрининг Шоҳизинда кўчасида 5 та хонадонда ёнғин юз бергани, шаҳарнинг «Боғибаланд» МФЙда жойлашган бир-бирига туташ икки уй ёниб кетгани ҳақида хабар берилганди.
Изоҳ (0)