Токио—2020 Олимпиадасида бир қатор ўзбекистонлик спортчилар 3 август куни ўз иштирокини ўтказди.
Юнон-рум кураши бўйича -87 кг вазн тоифаси вакили Рустам Ассакалов 1/8 финалда грузиялик Лаша Гобадзега қарши кураш олиб борди. Унда Ўзбекистон вакили 6:5 ҳисобида ғалаба қозониб, чорак финалга йўл олди. Қайд этиш керак, Гобадзе 2019 йилда -82 кг вазн тоифасида Жаҳон чемпионати ғолибига айланганди.
Ассакалов кейинги босқичда хорватиялик Иван Ҳуклекка қарши тўқнаш келади.
Бокс бўйича -63 кг вазн тоифасида ҳаракат қилаётган Элнур Абдураимов чорак финалда арманистонлик Ховханнес Бачковга қарши жанг қилди. Унда тўлиқ устунлик Арманистон вакили томонида бўлди ва якунда Бачков 5:0 ҳисобидаги ғалабани қўлга киритди.
Изоҳ (0)