Hyatt Regency Tashkent, Premier Hall, «Чотқол». Яна бир қатор объектлар сентябрдан сотувга қўйилади

Президент фармони билан сентябрдан бошлаб савдога қўйиладиган давлат активлари рўйхати тасдиқланган, деб ёзмоқда Spot.

Унда 12 та объект ўрин олган:

• Lottе City Hotel Tashkent Palace меҳмонхонаси;
• Hyatt Regency Tashkent меҳмонхонаси;
• Premier Hall кинозали;
• «Матбуотчилар уйи»;
• «Чотқол» дам олиш маскани;
• «Алгоритм» биноси;
• собиқ «Марказ улгуржи савдо инвест» биноси ва иншоотлари
• «Сергели» саноат зонаси;
• «Бектемир» саноат зонаси;
• «Ўзметкомбинат» металларини сақлаш ва юклаб жўнатиш омбори;
• Зангиотадаги паррандачилик фабрикаси
• собиқ кинология маркази.

Эслатиб ўтамиз, Шавкат Мирзиёев раислигида 1 июль куни давлат активларини хусусийлаштириш соҳасидаги ишлар натижадорлиги ва келгусидаги устувор вазифалар муҳокамаси юзасидан видеоселектор йиғилишида Тошкент шаҳридаги 13 та йирик кўчмас объекти ҳамда 11 та тармоқ корхонасидаги давлат улушларини хорижий консултантларни жалб қилган ҳолда сотувга чиқариш зарурлигини таъкидлаганди.

Ўзбекистон 2021 йил бошидан бери давлат активларини хусусийлаштиришдан 1,1 триллион сўм фойда кўрган.