Дунё миқёсида микросхемаларнинг тақчиллиги барча соҳалар учун жиддий муаммо туғдирмоқда: ҳатто Apple компанияси бу iPhone ишлаб чиқаришга таъсир кўрсатишини маълум қилган, деб ёзади IXBT.
Apple раҳбариятининг маълум қилишича, молиявий йилнинг тўртинчи чорагида даромад ортади, бироқ учинчи чоракдаги 36,4 фоизли ўсиш суръатларидан ошмайди. Компания вакилларининг қўшимча қилишича, учинчи чоракда микросхемалар етишмовчилиги у қадар жиддий бўлмаган бўлса-да, тўртинчи чоракда вазият оғирлашиши ва бу iPhone ишлаб чиқариш таъсир кўрсатиши тахмин қилинган.
Apple бош директори Тим Кукнинг сўзларига кўра, тақчилиги кузатилётган микросхемалар эски технология ёрдамида ишлаб чиқарилсада, iPhone яратишдаги қўшимча компонент сифатида жуда муҳим аҳамиятга эга. Таҳлилчиларнинг ҳисоблашича, Apple кейинги авлод iPhone моделлари учун чипларни тўплашни бошлаши мумкин.
Микросхемаларнинг дунё бўйлаб кузатилаётган тақчиллигига бир неча сабаблар мавжуд, хусусан, коронавирус пандемияси сабаб заводларнинг ёпилиши ва локдаун ҳамда масофадан туриб ўқиш/ишга ўтилгани сабаб маиший электроникага бўлган талабнинг ортиб кетиши.
Samsung ва Apple’нинг вазияти бошқа смартфон ишлаб чиқарувчи кичик компанияларникидан яхшироқ. HMD Global компанияси ярим ўтказгичлар етишмовчилиги у қадар катта бўлмаган ишлаб чиқарувчиларга муаммо туғдириши мумкинлигидан огоҳлантирган.
Изоҳ (0)