Ўзбекистон миллий терма жамоаси собиқ ярим ҳимоячиси Одил Аҳмедов Элдор Шомуродовнинг «Женоа»дан «Рома»га ўтишга яқин тургани ҳақидаги хабарларга муносабат билдирди.
Элдор учун жуда хурсандман, бу ажойиб янгилик. Умид қиламанки, у «Рома»да муваффақият қозонади ва футболчи сифатида ўсишда давом этади. Элдорнинг келажакда «Реал» ёки «Барселона»да ўйнай олишига ишонаман. Бунинг учун Шомуродовда ҳамма нарса бор. Бу бутун Ўзбекистон учун катта қувонч, у мамлакатда футболни оммалаштиради ва барчага ўрнак бўлмоқда.Аввалроқ «Рома» ва «Женоа» Шомуродов трансфери борасида келишувга эришгани ва Рим клуби Элдорни сотиб олиш мажбурияти билан ижарага олиши ҳақида хабар берилганди.Жозе Моуриньо бошчилигида Генрих Мхитарян—Элдор Шомуродов жуфтлигини кўриш жуда қизиқарли бўлади. Уларга Италия чемпионатида яхши ўйин кўрсатишни тилайман. Асосийси жароҳатлар бўлмасин. Фақат омад ва муваффақият.
Одил Аҳмедов, футболчи
Маълумот учун, Шомуродов 2020/21 йилги мавсум А Серияда 31 ўйинда майдонга тушиб, 8 та гол муаллифига айланганди.
Изоҳ (0)