Токио—2020 Олимпиадасининг 27 июль кунги мусобақалари ўз якунига етди. Ёзги ўйинларнинг расмий тўртинчи кунида 22 та медаллар шодаси ўйналди.
Умумий рўйхат топ-7 лиги ўзгаришсиз қолди, фақат Хитой олтинлар сони бўйича АҚШга етиб олди. Канада ва Германия кучли ўнликка киришга эришди.
Ўзбекистон делегацияси 25 июль кунги ягона олтин медал билан 23—30-поғонада бормоқда.
Шу вақтга қадар жами 234 та медал (72 тадан олтин ва кумуш, 90 та бронза) ўз эгаларига топширилди. 56 та мамлакат вакиллари камида биттадан совринга эга бўлди. Шунингдек, 30 та делегация, жумладан, Ўзбекистон ҳам ўз ҳисобига олтин медал ёздириб қўйган.
Қайд этиш керак, Олимпиаданинг тўртинчи куни кетаётганига қарамай Испания, Нидерландия, Бельгия ва Туркия каби мамлакатлар бирорта ҳам олтин медалга эриша олгани йўқ. Шунингдек, Ўрта Осиё мамлакатлари орасида фақат Ўзбекистон ҳисобида олтин бор.
Токио—2020 медаллар рейтинги (топ-10)
- Япония – 10-3-5 (18)
- АҚШ – 9-8-8 (25)
- Хитой – 9-5-7 (21)
- РОҚ (Россия) – 7-7-4 (18)
- Буюк Британия – 4-5-4 (13)
- Жанубий Корея – 3-2-5 (10)
- Австралия – 3-1-5 (9)
- Канада – 2-3-3 (8)
- Франция – 2-2-3 (7)
- Германия – 2-0-3 (5)
Изоҳ (0)